Sembang-sembang di bulan puasa(edisi bajau)

Elau tu poso jomo yang ke-24 no. Maksud ni un lebih kurang enomnggelow lagi abis no poso jomo ta tahun tu. Sedih reso ni buan poso yang ngembanan kiti taun tu. Buan tu iko keistimewaan ni amun kiti ngayati bana-bana. Masa aku naip blog tu, masih lagi aku ta Labuan, nyia lagi aku mole'. Un kerejoan lagi yang perlu siap sepat.

Nyia sabar aku habis belajar laman UMS tu. Panjang umur ta bulan february tu habis no aku. Temban ku memia kerejoan lagi lepas eh. Mudah-mudahan aku kole' kerejoan cepat. Engko' iyen, yang bana ni, iko no aku nyusah ta ahli keluarga ku, jadi tiba no masa ni aku ngebalas jasa gai yang sebeta tu ngebelanja aku sebeta ku belajar samada peringkat tena' atau langa tu.

Temuduga Kastam ku nyia beta lagi pelua keputusan ni. Mungkin ta 29 haribulan tu kali. Nyia terati iyen no keputusan ni eh. Sama ada kole' atau nyia baya ni no, nyia kesah pan aku. Masing-masing un hikmah ni. Allah swt eh maha adil ta semimon hamba ni.

Elow tu aku boi muan surat permohonan praktikal ku ta Bank Islam ko Tabung Haji mitu tu. Dekan kami nyia nyo'o praktikal ta beta' alih selain Labuan untuk semester tu jo. Ari isnin lingka' eh aku moko' se'e ku muan surat permohonan kami ta Bank Rakyat, Bank Pertanian, Perbadanan Labuan, EC Trust, CIMB ko' Maybank. Mohon iko2 jo te' amun nyia tinerimo ta dikau' un lagi ta dikau'. Amun tinerimo semimon, temban muat pilihan minggo dikau' yang alap untuk beta' praktikal.

Nyia' sabar aku mole' nemuan Iyangku, anak buah ku, adik-beradik ku, keluarga-keluarga ku, se'e-se'e ku ta kampung moko'............... Hehe...Rindu te' pan pasal jarang2 sitemu. Ta' hari raya tahun tu mungkin lumaan kami pe Sebayan ziarah kubur arwah ema' kami. Begitu no manusia, masa elum buli sitemu-temu amun matai no temban nilawat ta kubur jo kiti. Jadi terimokasih no, dinakan kerana sudi pan kam masa Blog tu. Ta' kesempatan tu aku maku ampun maap amun un iyen-iyen sala silap ta sien-sien yang ke kilo maku..