Assalamualaikum,
Bismillah, setemu lagi kiti diom ruangan tazkirah sempena elau Jumaat yang mulia tu. Somo-somo kiti syukur ta Allah, sebab kerana Iyo kiti elau tu buli lagi narik nafas, sihat, buli memia rezeki, ko buli ngenda alam ciptaan ni.
Kiti tu jomo Islam, seharusni dekau' atai, dekau' semangat mempertahankan agama Islam. Dong sampai, agama ti petenob. Somo-somo kiti maju, diom erti kata maju diom segi pembangunan ko maju dari segi akhlak ti. Dong kiti mikir untuk maju ta' dunia tu jo, sebab kiti elum hanya sementara. Nyaun yang kekal melainkan Allah S. W. T. Hakikat matai adalah dekau' kemestian bagi semimon makhluk. Maka atas dasar eh no kiti mesti un kesedaran, agar kiti berusaha muat kelapan seiko mungkin ta' dunia tu, mudah-mudahan amun teko elau penghisaban ti kang, un pan amalan alap bo-bo ti.
Sebagai jomo Islam, kiti seharus ni jadi contoh yang alap ta' banga agama lain. Dong kiti melanggar iyen perintah agama. Alap ko raat semimon kiniro. Gibang kuanan un malaikat ngejogo amalan ti. Kiti kadang selalu lupo atas balasan Tuhan. Syaitan selalu ngasut/mempengaruh manusia supaya muat keraatan. Musuh-musuh Islam betiru cukup iko. Macam-macam cara gai melabu' maruah jomo Islam. Moto ti selalu kito perbuatan yang nyia senonoh. Sadar no kiti semimon. Enda' ti dinakan ti, anak-anak ti ko se'-se' ti. Pien cara gai berpakaian, iyen kakan gai, pinggo gai lumaan ko' pien amalan gai?
Sempena ta' elau Jumaat yang mulia tu, somo-somo no kiti insaf atas iyen kerataan yang pernah buat ti. Sesungguh ni bua' luang taubat eh masih terbuka. Masih buli lagi kiti mula elum bau yang lebih beriman. Somo-somo kiti belajar beserita tentang kealapan. Dong kiti fitnah-memfitnah sesomo kiti, dong kiti unpat-mengumpat sesomo kiti. Taat no ta' suruhanNi. Petio ti semimon yang nilarang olehNi. Sesungguhni Allah S.W.T. maha pengampun ta semimon kesalahan hamba-hamba ni. Tazkirah ringkas tu pedau ku ta' diriku yang lemah tu. Nyiaun maksud beserita pasal kebuukan jomo lain. Mudah-mudahan Allah S.W.T. muan rahmat ko' rezki ta' kiti semimon.. Amin.....
Tiada ulasan:
Catat Ulasan