Aku bongso Sama.

Beta bana aku nyia' naip diom ling sama tu. Rindu reso ni ingin naip diom bahasa iyang ema' ku. Ta' Labuan tu jarang bana aku betutur sama. Kekadang ngala' reso rindu beserita sama bo ku se'-se' peranak semenanjung ling sama. Sampai un dangan se' ku laman Perak hapal lagu Ungus Sebayan. Pekaleh ni lagu eh elau2 inggo pan iyo nyia' lekas ngapal ni.

Besempena ta' tahun bau 1430Hijrah ko' 2009Masihi tu, somo2 no kiti masang niat alap, semoga iyen yang sala' tebuat ti dau2 eh timanan ti tau pan palap ti. Endo' ti yang alap2 jo ko' amun buli pinalap lagi. Se'-se' ku peranak sama ta' minggo jo beta', sung no kiti besatu atai, dong kiti beserai berai, ssedikau' atai kiti diom kealapan. Sesungguh ni amun kiti bersatu iyen jo kerejoan akan lebih sempurna'. Ta' banga abang senior pohon ku, rajin2 kam muan tunjuk ajar ta' banga generasi mura' tu. Kami peranak mura' tu sangat perlu tunjuk ajar laman abang2 senior. Betiru tu iko bana saingan untuk memajukan diri.

Jomo sama semimon bagi ku bedinakan jo. Dong kiti si dangki'2. Amun buli kiti nulung, tulung ti dinakan ti. Amun nyia', iyen sala' ni amun nyumbang nasihat jo. Ta' tahun bau tu, harapanku agar pinekelum lagi persatuan sama ti. Minggo no USBO eh?? Ngini dukum nyiaun soro2 bi teko ta Kuta Marudu ko' Kudat? Ngini nyia' aktif bana? Persatuan USBO tu patut penekembang ta beta'2 ramai jomo sama. Engko' sekadar oron ni jo tapi nyiaun sumbangan ta bongso ti. Bagi ku USBO tu penting terutama ni untuk muan kesedaran ta' banga peranak mura' bongso ti. Persatuan tu perlu' untuk mioro adat budaya bingso sama/bajau. Amun engko' bongso ti sien lagi. Setakat tu aku nyiaun lagi sumbangan ta' bongsoku. Ling jomo sekadar soro diom blog tu jo. Aku pan masih lagi maku tunjuk ajar ta' banga abang senior.

Betiru tu iko bana peranak sama yang iyang ema' ni sama tapi' nyia pandai ling sama. Perlu kiti sadar, engko' ling urang puti/ling melayu jo guno ti beserita. Lambat laun bongso ti temban oron loso amun penebiaran begitu. Dinakan ku semimon, iyen serita ku tu engko' saja-saja pelua' tanpa pinikiran alap raat. Iyen yang alap eh endo' ti. Yang raat eh somo-somo no kiti malap ni. Semoga kiti kole' kealapan ko' kebahagiaan elum ta' dunia ko' akhirat kaang...